“કેમ છો કહીને કાકા” કહીને વૃદ્ધના હાથમાંથી અડધા તોલાની સોનાની વીંટી કાઢી ગઠિયાઓ ફરાર
કલોલ શહેરની નર નારાયણ સોસાયટી આગળથી પસાર થઈ રહેલા દેવજીભાઈને બાઈક ચાલક યુવકોએ રોક્યા હતા અને કેમ છો કાકા કહીને તેમને ઉભા રાખ્યા હતા ત્યારબાદ તેમને આંગળીમાં પહેરેલ સોનાની વીંટી કાઢીને બાઈક ઉપર આવેલા બે ગઠિયા ફરાર થઈ ગયા હતા બનાવ અંગે તેઓએ પોલીસ મથકમાં ફરિયાદ નોંધાવતા પોલીસે ગુનો દાખલ કરી તપાસ ચલાવી છે.
આ બાબતે મળતી વિગતો, મુજબ કલોલ શહેરના પૂર્વ વિસ્તારમાં આવેલા જ્યોતિ પાર્ક સોસાયટીમાં રહેતા દેવજીભાઈ રણછોડભાઈ પરમાર સવારના ૧૧ વાગે ઘરેથી બજારમાં ઘરવખરીનો સમાન લેવા માટે નીકળ્યા હતા અને તેઓ તેમની સોસાયટીથી આગળ આવેલ નર નારાયણ સોસાયટી નજીકથી પસાર થઈ રહ્યા હતા ત્યારે બાઈક ઉપર આવેલા બે ઈસમે તેમને ઉભા રાખ્યા હતા અને કહેલ કે કાકા કેમ છો તેમ કહેતા તેઓ મજામાં છું તેમ કહીને ઉભા રહ્યા હતા તે દરમિયાન બાઇક ઉપર આવેલા શખ્સ તેમના જમણા હાથની આંગળીમાં પહેરેલ અડધા તોલાની સોનાની વીંટી કાઢીને ફરાર થઈ ગયા હતા. પોતાની આંગળીમાંથી વીંટી કાઢીને બાઈક સવારો ફરાર થઈ જતા તેઓએ બુમાં બૂમ કરી દીધી હતી પરંતુ પલવારમાં બાઈક સવારો તો ત્યાંથી રફુ ચક્કર થઇ ગયા હતા બનાવ અંગે તેઓએ અજાણ્યા ઈસમ વિરુદ્ધ ગુનો નોંધી,પોલીસે તપાસ હાથ ધરી છે.